Sot janë bërë 20 vjet kur kanë filluar bombardimet e NATO-s ndaj caqeve serbe.
Kjo ditë vlerësohet si më e rëndësishmja në historinë e Kosovës.
Kryetari i Kuvendit të Kosovës Kadri Veseli ka thënë se sulmet e NATO-s i dhanë fundit terrorit gjenocidal në Kosovë.
“Ne jemi krenarë që aleancën me NATO-n, të filluar nga UÇK-ja, sot po e vazhdon Ushtria e Kosovës”, ka shkruar Veseli.
Postimi i Veselit:
20 vjet më parë NATO filloi sulmet mbi Serbinë, për t’i dhënë fund terrorit të saj gjenocidal në Kosovë. Populli i Kosovës do të jetë përjetësisht mirënjohës ndaj udhëheqësve të botës demokratike në krye me Shtetet e Bashkuara të Amerikës. Ata ishin me ne, në orën më të ligë të historisë sonë. Ne jemi krenarë që aleancën me NATO-n, të filluar nga UÇK-ja, sot po e vazhdon Ushtria e Kosovës. Gjithmonë në shërbim të lirisë dhe paqes.