Flet pronari i banesës për 75-vjeçaren zvicerane që e vrau Iliasin - Bota Sot
Flet pronari i banesës për 75-vjeçaren zvicerane që e vrau Iliasin

Aktuale

Flet pronari i banesës për 75-vjeçaren zvicerane që e vrau Iliasin

Më: 25 mars 2019 Në ora: 19:02
Foto ilustruese

Zvicra është tronditur të enjten kur 7-vjecari nga Kosova që jetonte në Bazel me familjen e tij, u gjend i prerë në qafë.

Një 75-vjecare u arrestua nën dyshimet se ajo ka kryer krimin.

E moshuara zvicerane kishte pranuar se ka kryer krimin, ndërsa motivet nuk dihen.

Qiradhënësi i të 75-vjecarës ka thënë se ajo nuk është vërejtur shumë dhe ka jetuar jetë modeste, transmeton Express.

Shtatëdhjetepesë vjeçarja, e cila gjendet në paraburgim, ka jetuar për shumë vjet rreth një kilometër larg vendit të krimit.

Verën e kaluar ajo është zhvendosur nga banesa, shkruan gazeta zvicerane, 20 minuten. Pronari i banesës e ka përshkruar ish-qiramarrësen e tij, e cila edhe më tutje është një mister.

“Ajo ka jetuar e vetme dhe ka bërë një jetë modeste. Ajo kurrë nuk është vërejtur. Gjithmonë ka paguar qiranë me rregull, nuk ka përdorë narkotikë, dhe nuk ka qenë alkooliste”, ka thënë ai.

Tutje, ai ka treguar se si ajo u largua nga banesa e tij.

“Ajo shkoi për shoping ose doli në shëtitje, por më nuk u kthye asnjëherë”.

Mirëpo ai kujton diçka të pazakontë lidhur me qiramarrësen, duke treguar se “një herë ose dy herë në vit, Policia ose Prokurori vinte në banesën e saj”.

Ai thotë se nuk i di arsyet dhe për dijeninë e tij, e moshuara zvicerane kurrë nuk ka qenë në burg ose në psikiatri.

Ndryshe, autoritetet zvicerane pas arrestimit të 75-vjecares, e cila u lajmëruar vetë në Polici, pas vrasjes së Iliasit 7-vjecare, kanë hedhur dyshime se ajo ka probleme psiqike.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...