Shefi i Grupit Parlamentar të LDK-së, Avdullah Hoti thotë se që një vit është bllokuar Komisioni Qendror i Zgjedhjeve nga ana e presidentit Hashim Thaçi.
Hoti përmes një postimi në Facebook, përmend edhe reagimin e Ambasadës amerikane në Prishtinë e cila sot e bëri për po të njëjtë çështje.
“Është shqetësues fakti që institucioni më i lartë i Republikë së Kosovës po përdoret për interesa politike. Kjo qasje duhet të marrë fund. Anëtarët e KQZ-së duhet të emërohen sipas Kushtetutës dhe ligjit për zgjedhje, si dhe aktvendimit të Gjykatës Kushtetuese të vitit 2014. Çdo veprim tjetër paraqet shkelje të Kushtetutës nga ana e Presidentit”, shkruan Hoti, transmeton gazeta “Bota sot”.
Ja postimi i plotë:
Sot mbushet një vit prej se është bllokuar Komisioni Qendror i Zgjedhjeve nga ana e Presidentit.
Ambasada e SHBA-së në Prishtinë sot ka reaguar për këtë çështje, duke cituar edhe reagimet e opozitës.
Është shqetësues fakti që institucioni më i lartë i Republikë së Kosovës po përdoret për interesa politike. Kjo qasje duhet të marrë fund. Anëtarët e KQZ-së duhet të emërohen sipas Kushtetutës dhe ligjit për zgjedhje, si dhe aktvendimit të Gjykatës Kushtetuese të vitit 2014. Çdo veprim tjetër paraqet shkelje të Kushtetutës nga ana e Presidentit.
Edhe mos veprimi për një vit të plotë është shkelje e Kushtetutës. Presidenti ka obligim kushtetues të garantojë funksionimin e institucioneve të parapara me Kushtetutë, dhe KQZ-ja është institucion i paraparë me Kushtetutë.