Policia sqaron përleshjen në Deçan, ku ishte përfshirë kryetari Ramosaj

Aktuale

Policia sqaron përleshjen në Deçan, ku ishte përfshirë kryetari Ramosaj

Më: 28 mars 2019 Në ora: 13:32
Bashkim Ramosaj

Policia rajonale e Pejës ka dhënë detaje për përleshjen e mbrëmshme në Deçan, ku raportohej se ishte përfshirë edhe kryetari i Komunës, Bashkim Ramosaj.

Sipas njoftimit, më datën 27 mars 2019 në Deçan, në një restorant ka ndodhur një incident në mes të disa personave, të cilët fillimisht janë fjalosur dhe më pas janë përleshur edhe fizikisht.

“Policia e Kosovës, konkretisht Stacioni Policor në Deçan, ka ndërmarrë të gjitha masat e nevojshme në koordinim edhe me prokurorin e shtetit, për të sqaruar të gjitha rrethanat lidhur me këtë rast, i cili është cilësuar ‘lëndim i lehtë trupor’. Janë intervistuar ankuesit (viktimat), dëshmitarët dhe dy persona të dyshuar: V. R. m/k/sh i lindur me 1982 dhe J. B. m/k/sh i lindur 1972. Të dyshuarit janë arrestuar, ku i dyshuari i parë është ndaluar për 48 orë, ndërsa i dyshuari i dytë është liruar në procedurë të rregullt me vendim të prokurorit të shtetit”, thuhet në njoftimin e policisë. Rasti është duke u hetuar në bashkëpunim të plotë me Prokurorinë e Shtetit për të sqaruar rrethanat dhe motivin e rastit.

commentFirst article
Sot mund të lexoni Shfletoni kopertinat