Kryetari i Këshillit për punë evropiane në Bundestag dhe zyrtar i lafrtë i Unionit kristian demokrat (CDU) në pushtet Gunther Krichbaum mendon se publiku serb janë “tepër të fokusuar në çështjen e Kosovës” dhe thekson se është shumë me rëndësi që shteti (serb) të vazhdojë me avancimin në ekonomi.
I pyetur se cili opsioni i zgjidhjes së problemit të Kosovës është i pranueshëm për Berlinin zyrtar, dhe se a është Gjermania kundër ndryshimit të kufijve, siç është spekuluar kohëve të fundit, Krichbaum ka thënë:
“Nuk është puna se cilido qoftë solucion është i pranueshëm nga këndi i Gjermanisë. Në vend të kësaj, Evropa si tërësi duhet të pyetet se a krijon këmbimi i territoreve më shumë probleme se sa që i zgjidh”, ka porositur ai për javoren serbe “Ekspres”.
Në këtë kontekst, ai ka përkujtuar se edhe disa shtete fqinje kanë qëndrim kritik ndaj këtij opsioni, duke përmendur Maqedoninë Veriore.
