Ministri i Infrastrukturës dhe Transportit, Pal Lekaj sot u bë top lajm në mediat e shkruar pas kishte kërkuar largimin e ambasadorit Zvicrës në Kosovë, Jean – Humbert Lebet.
Drejtor i Qendrës Kosovare për Arsim (KEC), Dukagjin Pupovci përmes një postimi në Facebok ka reaguar ndaj deklaratës së ministrit Lekaj.
Pupovci thotë se është taksirat i këtij ambasadori me pasë punë me tipa si Pali.
“Taksirat i këtij ambasadori me pasë punë me tipa si Pali. Sidoqoftë, tash mundet me ndejtë i qetë se nuk e përzen askush”, ka shkruar Pupovci në llogarinë e tij.
Ndryshe, kujtojmë se Lekaj sot ka takuar ambasadorin Lebet ku i kanë sqaruar hesapet mes vete.