Me propozimin e Ministrisë së Punës dhe Mirëqenies Sociale është bërë plotësimi dhe ndryshimi i vendimit të Qeverisë për qëllim të përdorimit të kompleksit banesor-afarist “Hade dhe Hade 2”.
Duke u bazuar në legjislacion dhe praktikat e punës, Ministria e Punës dhe Mirëqenies Sociale konstaton se nuk është përgjegjëse për zhvillimin e procedurave për përzgjedhjen e përfituesve sipas pikës dy të këtij vendimi.
Andaj MPMS, propozon që Qeveria të autorizojë Komunën e Obiliqit që të zhvillojë tërë procesin e përzgjedhjes së përfituesve të drejtës së banimit në hapësirat sipas destinimit të përcaktuar.