Njohësi i çështjeve politike, Faik Krasniqi thotë se derisa as pozita nuk i ka numrat për të qeverisuar, nga tjetër as opozita nuk i ka numrat për të rrëzuar Qeverinë.
Krasniqi thotë se PSD-ja po luan rol të dyfishtë.
“Pavarësisht se as pozita nuk e ka shumicën e thjeshtë për të qeverisur, por as opozita nuk i ka votat për ta rrëzuar këtë Qeveri, sepse PSD nuk është as në opozitë e as në pozitë. Për ta zhvatur buxhetin e shtetit në forma të ndryshme është pjesë e Qeverisë, kurse në anën tjetër mundohet taktikisht që mos të përfshihet në Qeveri”, thotë Krasniqi për “Bota sot”.