Zeka: Bindja absolute e çdo pushtetari në Kosovë është se qytetarët janë hajvana

Aktuale

Zeka: Bindja absolute e çdo pushtetari në Kosovë është se qytetarët janë hajvana

Nga: A.ZH Më: 8 prill 2019 Në ora: 15:41
Milaim Zeka

Deputeti i Nismës Socialdemokrate Milaim Zeka, ka komentuar në lidhje me raportet rreth një kontrate të nënshkruar nga Presidenca e Kosovës me Qendrën Sportive “Learti” në Prishtinë për huazimin e fushës sportive për të luajtur futboll.

Zeka, ka thënë se po të lexohet reagimi i Presidencës, shihet se ky insititucion nga viti 2008 ka vjedhur dhe po vazhdon të vijedh.

Ai ka thënë se ky reagim është bindje absolute e çdo pushteti në Kosovë, se qytetarët janë “hajvana” dhe nuk “meritojnë kërkimfalje”.

“Lexoni reagimin e Zyrëss së Presidentit: Që nga viti 2008 të gjithë presidentët kanë vjedhur, kemi vjedhur edhe ne e hiq nuk u ba nami. Ky reagim është bindje absolute e çdo pushtetari në Kosovë se qytetarët janë hajvanat, të cilët as nuk kuptojnë, as nuk meritojnë me ju kërku falje...”, ka shkruar Zeka në një postim në Facebook.

Në reagimin e Zyrës së Presidentit, thuhej se që kur Kosova e kishte shpallur pavarësinë e saj, të gjithë presidentët e Kosovës kishin paguar hapësira të ndryshme sportive për personelin e tyre.

“Prej vitit 2008, pavarësisht se kush ka qenë president i vendit, Presidenca si institucion, sikurse edhe shumica e institucioneve të tjera, në vazhdimësi kanë pasur dhe kanë kontrata për shfrytëzimin e hapësirave të ndryshme sportive”, thuhej në reagimin e Presidencës.

Kontrata ka vlerë të përgjithshme prej 950 eurove, që i bie se Zyra e Presidentit Thaçi do t’i paguajë rreth 160 euro në muaj Qendrës Sportive “Learti” .

commentFirst article
Sot mund të lexoni Shfletoni kopertinat