Ministri i punëve të jashtme i Serbisë Ivica Daçiq, është tallur me vizat për Kosovën.
I pari i diplomacie serbe ka bërë thirrje që t’u jepen shqiptarëve liberalizimi, ndërsa, ka thënë se Serbia u siguron autobusët.
Ndaj kësaj deklarate ka reaguar zyrtari i Lidhjes Demokratike të Kosovës (LDK), Bajram Gecaj.
Gecaj ka thënë se, “një deklaratë e tillë nuk është aspak e jashtëzakonshme kur vjen nga goja e atij i cili ishte pjesë e mekanizmit gjenocidial që, pos maltretimeve, vrasjeve, djegieve e shkatërrimeve, gjithashtu largoi dhunshëm mbi një milion shqiptarë nga Kosova”.
Ai në fund ka bërë thirrje që BE dhe shtetet tjera të reagojnë ndaj këtyre deklarimeve.
Ja reagimi i tij:
Ivica Daçiq: “Jepjuani shqiptarëve vizat, ne ua japim autobusët”
Një deklaratë e tillë nuk është aspak e jashtëzakonshme kur vjen nga goja e atij i cili ishte pjesë e mekanizmit gjenocidial që, pos maltretimeve, vrasjeve, djegieve e shkatërrimeve, gjithashtu largoi dhunshëm mbi një milion shqiptarë nga Kosova! BE dhe shtetet tjera duhet të reagojnë ndaj këtyre deklarimeve fashiste!