Eksperti i çështjeve të sigurisë, Fadil Kajtazi, ka kërkuar nga kryeprokurori i Shtetit, Aleksandër Lumezi, që të arrestojë ish ministrin Ivan Todosijeviq.
Përmes një postimi në Facebook, Kajtazi ka shkruar se deklarata e Todosieviqit është shkelje flagrante e Kodit Penal të Kosovës, më saktë Neni 147 Nxitja e urrejtjes, përçarjes ose mosdurimit kombëtar, racor, fetar apo etnik.
Postimi i plotë:
Todosijeviq ka konsumuar vepër penale,
Nëse Aleksander Lumezit i ka mbetur pak ndërgjegje, ai duhet te reflektoi, duhet ta arresoi Todosijeviqin. Se paku nga shkaku se Lumezi është prokuror vetëm nga shkaku se themel i shtetësisë të Kosovës dhe prokurorisë ku ai është kryeprokuror, është gjaku i të rënve në Reçak. Deklarata e Todosieviqit është shkelje flagrante e Kodit Penal të Kosovës, më sakt Neni 147 Nxitja e urrejtjes, përçarjes ose mosdurimit kombëtar, racor, fetar apo etnik, i cili ne piken 1 sakteson se: "Kushdo që nxit ose përhap publikisht urrejtje, përçarje ose mosdurim midis grupeve kombëtare, racore, fetare, etnike apo grupe tjera të tilla që jetojnë në Republikës e Kosovë, në mënyrën e cila mund të prishë rendin publik, dënohet me gjobë ose me burgim deri në pesë (5) vjet.
Deklarata e Todosieviqit, i veshur me petkun e ministrit të Qeverisë se Republikës së Kosovës është tipike në frymen e përhapjes së urrejtjës ndëretike, si dhe fyrje për viktimat e pafajshme të masakruara në Reçak. Gjithashtu, ky minister ka konsumuar edhe një vepër penale tjetër, ku me këtë rast ka deformuar emrin kushtetues të Republikes se Kosoves duke i dhene ati atribut të emrit me te cilin e emërton shteti armiqësor Serbia. Nuk ma merr mendja se Alekasander Lumezi dhe Hashim Thaqi kanë zemër dhe ndergjegje per t'i dalur ne krahë të masakruarve në Reçak!
