E ai që pothuajse hedh më së shumti akuza dhe përdor gjuhë jo të duhur gjatë seancave të Kuvendit të Kosovës, është pikërisht bashkëpartiaku i tij Milaim Zeka.
Pavarësisht kësaj, ai në një intervistë për KosovaPress e justifikon këtë të fundit duke thënë se është i lirë të flasë, pasi sipas tij, Zeka është deputet i pavarur.
Limaj: Secili jep përgjegjësi për fjalën e tij publike
“Milaimi nuk ka qenë në dorë kurrë, Milaimi është një person i pavarur... Ai është deputet i zgjedhur, Milaimi nuk është anëtar i Nismës, nuk është aktivist i Nismës, e as nuk është në strukturat e Nismës. Ai, thjesht, është një deputet i pavarur që ka konkurruar në listat e Nismës dhe ka qëndrime të pavarura dhe sillet i pavarur si deputet i Kuvendit të Kosovës. Nuk është që as ne nuk e kemi njohur dhe as qytetarët e Kosovës, është qëndrimi i tij, është personaliteti i tij. Mënyrën e komunikimit e ka jo konvencional, por Milaimin kjo e karakterizon, dhe është deputet, dhe është i lirë të flasë deputeti ashtu siç e vlerëson, pastaj secili jep përgjegjësi për fjalën e tij publike”, është shprehur Limaj.
Megjithatë, ai pohon se viteve të fundit gjuha e përdorur në Kuvend është rënduar dhe rastet e tilla ai i quan të panevojshme.
Limaj: Deputetët e dinë se gjuha e rënduar në Kuvend është e panevojshme
“Ndonjë fjalë të njerëzve atje në Parlament, të gjitha anët, të gjitha grupet politike edhe ata e dinë pasi ta flasin e dinë që është e panevojshme. Nuk është Parlamenti, vendi ku duhet. Argumentimi politik, argumentimi i temës që e ngrit ka mjaft në fjalorin shqiptar, mund të gjejnë fjalën e përshtatshme për temën që e ngritin. Por, nganjëherë ndodh, sepse ne të gjithëve na ndodh të themi ndonjë fjalë që do ta thoshim në momente të caktuara”, tha Limaj.
