Glauk Konjufca flet edhe për Fadil Lepajën - Bota Sot
Glauk Konjufca flet edhe për Fadil Lepajën

Aktuale

Glauk Konjufca flet edhe për Fadil Lepajën

Më: 16 prill 2019 Në ora: 00:02
Glauk Konjufca

Shefi i deputetëve të VV-së, Glauk Konjufca duke iu përgjigjur akuzave se atë e ka rekrutuar Fadil Lepaja, tha se e ka takuar për të fundit herë diku para 11 vjetësh, por se kjo sipas tij nuk do të thotë asgjë në pretendimet e Dardan Molliqajt.

Pretendimet e Molliqajt i ka cilësuar film fantastiko-shkencor.

“Mezi po pres që të vijë rasti në Gjykatë, nëse këto nuk mund t’i mbrojë në Gjykatë do ta paguajë gjobën”, ka thënë Molliqaj.

Ai ka thënë se kjo “është e kuptueshme, që vjen pasi Dardani ka dal prej Lëvizjes”.

“E kur ishte aty unë isha më i mençuri, e ka qenë në gjendje të më pranojë si kryetar të partisë. Kur ia kam demaskuar projektin e tij në televizionin tuaj, unë brenda natës u bëra SHIK”, ka thënë ai, përcjell Koha.net. “Mendoj se kjo bëhet në momentin kur PSD-ja është bërë e afërt me pushtetin, e ai dëshiron që të më afroj mua me Kadri Veselin. Ata e votuan buxhetin e Kadri Veselit, ata bën marrëveshje të fshehur me Kadri Veselin për ta dëmtuar buxhetin e Vetëvendosjes për t’ia marrë paratë përmes ndryshimit të Ligjit”, ka shtuar më tej.

“E ftoj Veselin që t’i hapin krejt listat dhe të tregojë se kush ka qenë i punësuar. Unë kam bërë nënshkrimin për ta hetuar SHIK-un”.

Konjufca ka thënë se brenda figurave të larta të Vetëvendosjes së dikurshme, Aida Dërguti, që ka qenë nënkryetare e Vetëvendosjes, ka qenë në SHIK.

“Askush tjetër nuk e thotë se kam qenë unë, pos dy-tre deputetëve që janë miq të ngushtë të Dardan Molliqajt. Ne e dinim se vetëm një kolege jona ka pranuar që ka qenë në SHIK, Aida Durguti. Ne e kemi ditur se ajo ka thënë se ka qenë në SHIK, por kjo nuk ka paraqitur problem për ne, përderisa ajo ka qenë e vetëdijshme”, ka thënë Molliqaj, teksa ka shtuar se beson se në SHIK ka pasur edhe njerëz që punonin për interes të vendit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...