Haradinaj: BERZH konfirmoi përkrahjen në projektet e infrastrukturës

Aktuale

Haradinaj: BERZH konfirmoi përkrahjen në projektet e infrastrukturës

Më: 18 prill 2019 Në ora: 15:37
Ramush Haradinaj dhe Suma Chakrabarti

Kryeministri i Kosovës, Ramush Haradinaj ka takuar delegacionin e lartë nga BERZH, kryesuar nga presidenti Sir Suma Chakrabarti, ka u konfirmua përkrahja për zhvillimin e projekteve të rëndësishme nga fusha e infrastrukturës, energjisë alternative, rehabilitimit të rrjetit hekurudhor dhe të ndërlidhjes së Kosovës në gazsjellësin TAP-JAP.

Haradinaj ka shkruar në Facebook se përkrahja e vazhdueshme nga Banka Europiane për Rindërtim dhe Zhvillim, për financimin e projekteve madhore për Kosovën, i ka dhënë shtytje të fuqishme zhvillimit të qëndrueshëm në vendin tonë.

“Është rikonfirmuar mbështetja e EBRD për financimin e ndërtimit të Unazës së jashtme të qytetit të Prishtinës. Me qëllim të ngritjes së mirëqenies së qytetarëve dhe zhvillimit ekonomik, Kosova është e angazhuar që projektet e mëdha të interesit publik t’i kapitalizojë sa më parë”, ka thënë ai.

commentFirst article
Sot mund të lexoni Shfletoni kopertinat