Ambasada franceze në Prishtinë, përmes një reagimi të tyre në facebook është shprehur falemderuese ndaj popullit shqiptarë të Kosovës në lidhje me bashkënjerjen e dhimbjes me popullin francez në lidhje me zjarrin i cili e ka pushtuar katedralen “Notre Dame” në Paris të hënën.
Ja reagimi i Ambasadës franceze në Prishtinë
Ambasada e Francës në Kosovë falenderon përzemërsisht përfaqësuesit politikë, fetarë dhe shoqërinë civile të Kosovës për mesazhet e tyre të mbështetjes, pas zjarrit që shkatërroi një pjesë të katedrales Notre-Dame në Paris. Këto mesazhe të bashkëndjesisë dhe miqësisë prekun thellësisht popullin francez.
Franca falenderon gjithashtu Qeverinë e Kosovës për kontributin e saj në fondin për restaurimin e Notre-Dame.
