Në fund të muajit shkurt, në postin e ministres së Bujqësisë, Pylltarisë dhe Zhvillimit Rural është emëruar Dijana Ziviq.
Dy muaj pasi mori udhëheqjen e kësaj ministrie, Ziviq ka blerë për vete një telefon mobil.
Në kontratën e publikuar nuk bëhet e ditur lloji i telefonit që është blerë, veç se çmimi i tij.
Telefoni i ministres do i kushtojë Buxhetit të Kosovës 950 euro.
Për furnizim me telefon, në tenderin e hapur janë paraqitur tre ofertues, prej të cilëve vlera më e lartë ka qenë 980 euro kurse më e ulëta 940.
Blerjen e këtij telefoni, ministrja Ziviq e ka bërë nga “N.P Mobi GEGA”.
Kujtojmë se Dijana Ziviq ka marrë postin së Ministrisë së Bujqësisë pas shkarkimit të Nenad Rikalos.
