Valdete Daka tregon se a është KQZ gati për zgjedhjet në 4 komunat - Bota Sot
Valdete Daka tregon se a është KQZ gati për zgjedhjet në 4 komunat

Aktuale

Valdete Daka tregon se a është KQZ gati për zgjedhjet në 4 komunat

Më: 19 prill 2019 Në ora: 23:26
Valdete Daka

Kryetarja e Komisionit Qendëror të Zgjedhjeve, Valdete Daka, ka thënë se buxheti I plaifikuar për zgjedhjet në veri të Kosovës është 471 euro.

Ajo ka dhënë të premtën një intervistë për RTK, ku ka konfirmuar se institucioni që drejton është gati për zgjedhjet që do të mbahen në katër komunat.

“KQZ  është gati, plani operacional është aprovuar dhe deri më tash nuk ka asnjë pengesë. Buxheti është aprovuar, kosto e planifikuar do të jetë 471 mijë euro për dy raunde. Të gjitha përgatitjet janë duke shkuar në drejtimin e duhur”, ka thënë Daka.

Ajo ka kujtuar se për zgjedhjet në veri kanë aplikuar tri subjekte: PDK, lëvizja Vetëvendosje dhe Lista Serbe.

“Në këto zgjedhje nuk kemi kandidatë nga subjektet e tjera të qytetarëve serbë pos Listës serbe, kurse në zgjedhjet e tjera kemi pasur”, ka thënë ajo.

Daka ka theksuar se qytetarë me të drejtë vote në komunat e veriut janë rreth 52 mijë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...