Në kohën kur po flitet për Forcat e Armatosura të Republikës së Kosovës, FARK, dhe Betejën më të lavdishme të Kosovës në luftën kundër Serbisë, pra për Betejën e Koshares, ne do ta paraqesim Betimin e Ushtarit, i cili është bërë në atë kohë me urdhër të Komandantit të Përgjithshëm të Forcave të Armatosura të Republikës së Kosovës, shkruan gazeta “Bota sot”.
Betimi i Ushtarit, ishte shkruar nga Sefedin Krasniqi, në nëntor të vitit 1996 ku në emër të Drejtorisë së informimit kishte njoftuar të gjithë eprorët dhe komandantët që ushtarët e Ushtrisë Çlirimtare të Kosovës të betohen me të njëjtin tekst.
Krasniqi, kishte njoftuar se nuk kishte tjetër betim derisa më vonë, Jakup Krasniqi e kishte kopjuar Betimin e Ushtarit të Ushtrisë Shqiptare, me disa shkurtime.
Më poshtë ua paraqesim tekstin e betimit të shkruar nga Krasniqi:
Unë ... ushtari i popullit tim BETOHEM në emër të ATDHEUT dhe KUSHTETUTËS, përpara ZOTIT dhe flamurit KOMBËTAR, se do të jem besnik dhe i pakursyer në luftën për çlirimin e Kosovës, kundër pushtuesve dhe tradhtarëve të vendit, deri në pikën e fundit të gjakut tim.
Do të jem ushtar i bindur dhe i disiplinuar, dhe do të zbatoj me korrektësi urdhrat dhe detyrat e komandave eprore që lidhen me luftën çlirimtare, ushtrinë dhe sekretin ushtarak.
BETOHEM