Zyrtari Lëvizjes Vetëvendosje, Adnan Rrustemi, përmes një shkrimi në llogarinë e tij në Facebook, shkruan se kur ke qeveritarë që të vetmen arsye pse janë në institucione e kanë rrugën më të shkurtër, në anën tjetër thotë se duhet të kemi kryeprokuror e prokurorë që ndalin një gjë të tillë.
Ai nënvizon se në vend ka kryeprokuror frikacak që ndjek shembullin e qeveritarëve për përfitime e vende pune.
Ndërsa, në fund, ai bën thirrje që të premten e 26 prillit 2019, të mblidhen pa dallim para zyrës së Kryeprokurorit për të protestuar.
Ja shkrimi i tij:
Kur ke qeveritarë që të vetmën arsye pse janë në institucione e kanë rrugën më të shkurtër dhe të paligjshme drejt milionave e përfitimeve tjera, duhet të kemi kryeprokuror e prokurorë të zënë me punë e të guximshëm kundër tyre.
Ndërsa, ne kemi kryeprokuror frikacak që ndjek shembullin e qeveritarëve për përfitime e vende pune. Andaj, të premten e 26 prillit 2019, në ora 5 n’12, pra 5 minuta para mesditës të mblidhemi pa dallim para zyrës së Kryeprokurorit!
