Media serbe po vazhdojnë të kritikohen për reagimin e tyre, pas djegies së Katedrales Notre Dame në Paris të Francës.
Ato në ballina kishin vendosur tituj bombastik për zjarrin që dogji Katederalen, duke e quajtur zjarrin “hyjnor” dhe “ndëshkim” ndaj Francës.
I ashpër ndaj mediave serbe është treguar edhe ish-ambasadori i Holandës në Kosovë Robert Bosch.
Ai në një postim në Facebook, ka thënë se tabloidët serbë dolën përsëri nga mendjet e tyre, përcjell Bota sot.
Bosch i ka quajtur njerëz me “mendje të sëmura”, ata që reaguan në këtë mënyrë.
“Disa tabloidë serbë dolën përsëri nga mendjet e tyre! Djegia e Notre Dame është një ndëshkim i Perëndisë për shkak të përkujtimit të fundit të Luftës së Parë Botërore, kështu që edhe flamuri i shtetit jo-ekzistues të Kosovës u vendos! Çfarë mendje të sëmura kanë disa njerëz!”, ka shkruar ish-ambasadori holandez.
Ndryshe, Qeveria e Kosovës është solidarizuar me Francës, duke ndarë 20 mijë euro për rindërtimin e Katedrales Notre Dame./BS