Kohët e fundit një ndër temat me të diskutuara në vend ka qenë ajo e nepotizmit. Krerët më të lartë të shtetit kishin punësuar familjarët e tyre në pozitat më të mira në institucionet publike. Ani pse kjo u zbulua falë mediave, nuk është ndërmarrë asgjë ndaj tyre.
Edhe Nasim Haradinaj, nënkryetar i Veteranëve të Luftës së Ushtrisë Çlirimtare të Kosovës, ka punësuar bashkëshorten e tij në kuadër të Ministrisë së Punëve të Brendshme. Në konkursin që është hapur me 18 dhjetor dhe është përmbyllur me 3 janar të vitit 2019, burime të “Bota sot”, brenda MBP-së kanë bërë të ditur se bashkëshortja e Nasim Haradinaj, Gjejlone Haradinaj është punësuar si asistente administrative në Qendrën për Pajisje me Dokumente në Deçan.
Gazeta ka kontaktuar MPB-në mirëpo ata nuk e kanë komentuar fare këtë çështje.
