Tahiri flet për ata të cilët gjenden akoma në Siri: Kemi informatat të detajuara për ta - Bota Sot
Tahiri flet për ata të cilët gjenden akoma në Siri: Kemi informatat të detajuara për ta

Aktuale

Tahiri flet për ata të cilët gjenden akoma në Siri: Kemi informatat të detajuara për ta

Më: 23 prill 2019 Në ora: 21:49
Abelard Tahiri

Ministri i Drejtësisë, Abelard Tahiri, ka thënë se shteti e ka për obligim që t’i rehabilitojë fëmijët, por edhe gratë që janë kthyer pas tmerrit që kanë përjetuar atje.

“Në anën tjetër nuk duhet të lejojmë që qytetarët tanë të kthehen në kërcënim për demokracinë në botë dhe të kryejnë sulme të mundshme terroriste”, ka thënë Tahiri në Zonën e Debatit.

“Një pjesë e tyre kanë qenë të manipuluara, për atë arsye kemi edhe një proces hetimor, secili që dyshohet se ka qenë pjesë e këtyre organizatave do të dalë para drejtësisë – askush nuk do të amnistohet”.

“Kriminelët do të dalin para drejtësisë, viktimat do të rehabilitohen”.

Tahiri tha se Kosova ka dhënë shembull shumë të mirë në botë me kthimin e këtyre 110 shtetasve nga Siria.

“Janë nëntë fëmijë pa asnjërin prind, janë fëmijë jetimë edhe babain edhe nënën i kanë të vrarë në luftë. Ne kemi programet për trajtimin e tyre. Disa nga ata u janë dorëzuar familjeve të prindërve, por ne i kemi në përkujdesje të vazhdueshme dhe do të sigurojmë gjithçka që atyre u nevojitet”.

“Shteti do t’u ofrojë rehabilitim edhe të gjitha grave që nuk kanë mbështetje nga familjet”.

Ministri i Drejtësisë tha se shteti nuk do t’i lë në dorë asgjë rastësisë, duke hetuar dhe mbledhur kështu informacione për secilin individë të është kthyer nga Siria – në mënyrë që ata të mos paraqesin rrezik për Kosovën dhe asnjë shtet tjetër.

“Ne kemi informatat të detajuara edhe për personat që akoma gjenden në Siri, nuk e dimë saktësisht numrin e tyre, por tashti nuk preferojmë që të bëjmë publike vendndodhjen e tyre, moshën apo gjininë në mënyrë që të mos i rrezikojmë ata”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...