Qalaj thotë së në veri ka tensione për shkak të zgjedhjeve - Bota Sot
Qalaj thotë së në veri ka tensione për shkak të zgjedhjeve

Aktuale

Qalaj thotë së në veri ka tensione për shkak të zgjedhjeve

Më: 24 prill 2019 Në ora: 12:22
Pamje nga takimi

Në Komisionin për të drejtat dhe interesat e komuniteteve dhe kthim ka raportuar ministri i Ministrisë së Punëve të Brendshme Ekrem Mustafa, lidhur me gjendjen e sigurisë në Kosovë dhe incidentet që kanë motive ndëretnike.

Mustafa tha se në raport me rajonin Kosova qëndron mirë sa i takon kësaj çështje dhe ka rënie të rasteve të incidenteve ndëretnike në Kosovë.

Mustafa tha se MPB është përkushtuar në ruajtjen e rendit dhe zbatimit të ligjit, për një ambient të sigurt për të gjithë qytetarët, në veçanti, ruajtjen e sigurisë për të gjitha komunitetet.

Drejtori i Përgjithshëm i Policisë se Kosovës, Rashit Qalaj, tha se situata e sigurisë është mjaftë e qetë dhe stabile, përkundër disa incidenteve të cilat sipas tij nuk kanë ndikuar në sigurinë nacionale.

Thotë se edhe trendet e krimit janë në rënie.

Si shqetësim  drejtori i PK-së, ka përmendur  numrin e aksidenteve me fatalitet i cili tha se ka shënuar rritje krahasuar me periudhën e njëjtë të vitit të kaluar.

Duke folur për sigurinë ne veri ai tha se gjendja edhe atje është stabile, por pranoi se ka tensione për shkak të zgjedhjeve, ndërsa u zotua se si PK do të mundohen të ruajnë qetësinë dhe të drejtën për votë të drejtë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...