Ehat Miftaraj nga Insituti i Kosovës për Drejtësi, ka thënë se Serbia qe 20 vite po mban në mënyrë të kundërligjshme dokumentet kadastrale për zgjidhjen e një konteksti pronësor.
Ai ka thënë se qëllimi i Serbisë është të forcojë pasigurinë juridike në Kosovë, që sipas tyij, jo rallë herë rastet për prona, po përfundojnë me vrasje, përcjell Bota sot.
Miftaraj ka kritikuar Qeverinë e Kosovës për heshtje për këtë çështje, derisa ka akuzuar përfaqësuesen e lartë të Bashkimit Evropian Federica Mogherini, për ri’dizajnim të kufirit Kosovë-Serbi.
Reagimi i plotë i Miftarajt:
20 vite jetë njeriu per zgjedhjen e nje kontesti pronesor dhe rasti ende ne procedure te apelimit.
20 vite Serbia i mban ne menyre te kunderligjshme dokumentet kadastrale me te vetmin qellim, forcimin e pasigurise juridike ne Kosove qe perfundojne jo rralle Edhe me vrasje per prona.
Qeveria hesht e Frederica Mogherini merret me ri-dizajnim te kufirit Kosove-Serbi.
Faktori nderkombetar ne Kosove duhet me kuptu qe populli I Kosoves eshte populli me paqesor dhe mirekuptues ne bote.
Me kete shkalle te ulte te sundimit te ligjit dhe me kete anarki te instaluar ku me vite privohesh nga e drejta elementare per te shfrytezu pronen ka shume pak vrasje dhe vetgjyqesi.
Thjesht jemi kampion boteror te durimit.
