Nis testi ndërkombëtar TIMSS - Bota Sot
Nis testi ndërkombëtar TIMSS

Aktuale

Nis testi ndërkombëtar TIMSS

Më: 24 prill 2019 Në ora: 16:04
Pamje nga takimi

Ministria e Arsimit, Shkencës dhe Teknologjisë (MAShT), ka filluar sot mbajtjen e testit ndërkombëtar TIMSS për vlerësimin e nxënësve për klasat e katërta për prirjet në matematikë dhe shkenca natyrore.

Në këtë vlerësim, i cili ka filluar sot në regjionin e Prizrenit dhe Gjakovës dhe do të zgjasë deri më 10 maj 2019 në regjionet tjera, do të marrin pjesë rreth 5 mijë nxënës nga 148 shkolla të Kosovës.

Testi TIMSS organizohet nga Organizata Ndërkombëtare për Vlerësimin e të Arriturave në Arsim (IEA), ndërsa në këtë vlerësim marrin pjesë 60 shtete, ndër të cilat edhe Kosova.

Komisioni shtetëror për testet ndërkombëtare i emëruar nga ministri Shyqiri Bytyqi, gjatë ditës ka mbajtur një takim, ku është theksuar se falë bashkëpunimit të mirë me komunat, gjithçka ka shkuar sipas planifikimit dhe testi ka filluar të realizohet me sukses.

Ndryshe, TIMSS mbahet çdo katër vjet, ndërsa në Kosovë po realizohet për herë të parë.  

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...