Haradinaj: AAK-në e kanë lidhur me fajde e haraç, nuk kam aksione në kazino

Aktuale

Haradinaj: AAK-në e kanë lidhur me fajde e haraç, nuk kam aksione në kazino

Më: 24 prill 2019 Në ora: 21:39
Ramush Haradinaj

Kryeministri Ramush Haradinaj thotë se partia e tij ka rritje, e ligji për kazinot është një nga shkaqet që po i rritet besimi të AAK’së. Haradinaj flet në Pressing për spekulimet se ai ka pasur afërsi me pronarë të kazinove.

Haradinaj thotë se një nga arsyet pse AAK’në e kanë vendosur sondazhet e kryera nga kompanitë e huaja me mbi 17 për qind të besimit të qytetarëve është ligji për mbylljen e kazinove.

Kryeministri tregon se partinë e tij e kanë lidhur me fajde e haraç dhe afërsinë me kazinotë, ndërsa ndalimi i tyre tregoi se nuk është ashtu.

“Një prej cështjeve që na ka rritë është ligji për kazinë. Për AAK’në ka thënë se keni fajde e harac. E kanë pa se kjo  nuk qëndron. Menduan se do ta kundështoja mbylljen e kazinove. I mbyllëm kazinot”, është shprehur Haradinaj.  

“”Ishte iniciativë e Parlamentit, unë e kreva me përgjegjësi”, ka shtuar ai.

Kryeministri thotë se i njeh pronarët e kazinove dhe ka miq në këto biznese, por mohon se ndonjëherë ka pasur aksione në ndonjë kazino.

“I njoh biznesmenët e kazinove, por nuk kam pasur as hise, as aksione”, është shprehur ai.

commentFirst article
Sot mund të lexoni Shfletoni kopertinat