Ambasadori i Shteteve të Bashkuara të Amerikës në Kosovë, Philip Kosnett, është shprehur i shqetësuar për emërimin e Naser Shalës në postin e drejtorit të Agjencisë Kosovare për Krahasim dhe Verifikim të Pronës.
Ambasadori amerikan, ka thënë se Shala nuk është i kualifikuar për këtë pozitë, teksa ka theksuar se emërimi i tij, minon besimin e qytetarëve në proceset e përzgjedhjes bazuar në meritë dhe aftësinë e AKKVP-së.
“Ende i shqetësuar për emërimin e Naser Shalës në një pozitë të rëndësishme në qeveri pa u kualifikuar. Kjo minon besimin e qytetarëve në proceset e përzgjedhjes bazuar në meritë dhe aftësinë e AKKVP për të përmbushur mandatin e kërkuar nga Dialogu”, ka shkruar Kosnett në një postim në Twitter./BS
