Vuçiq flet për samitin e Berlinit, paralajmron diçka të rëndësishme - Bota Sot
Vuçiq flet për samitin e Berlinit, paralajmron diçka të rëndësishme

Aktuale

Vuçiq flet për samitin e Berlinit, paralajmron diçka të rëndësishme

Më: 27 prill 2019 Në ora: 13:56
Merkel dhe Vuçiq

Presidenti i Serbisë, Aleksander Vuçiq, ka folur sot në Kinë për Samitin e Berlinit që do të mbahet me 29 prill me ftesë të kancelares gjermane, Angela Merkel, dhe presidentit të Francës, Emanuel Makron, duke thënë se shpreson që të dy do të gjejnë një çasje të ‘balancuar’ për të trajtuar problemet ndërmjet Prishtinës dhe Beogradit, në mënyrë që të bëhet një zgjidhje për të ardhmen.

Megjithatë ai thotë se çdo kush në Berlin duhet të harrojë që mund të bëj presion mbi Serbinë për të bërë lëshime.

“Në Berlin nuk do të ketë shtet tjetër që nuk e ka njohur përveç Bosnjës. Edhe ata do ta bënin atë, por serbët nuk lejojnë. Delegacioni ynë do të jetë i vetmi që do të kundërshtojë idenë e një Kosove të pavarur. Pozicioni ynë nuk është i lehtë, por sa i përket asaj që do të ushtrojnë presion që Serbia të bëjë disa lëshime, askush nuk do ta shoh atë film “, ka thënë Vuçiq.

Se do të ketë presion mbi palën serbe, e kanë pohuar edhe kryeministrja e Serbisë, Ana Brnabiq, dhe ministri i Jashtëm, Ivica Daçiq.

Kreu i diplomacisë serbe, ka thënë se në Berlin nuk do të ketë vazhdim të dialogut ndërmjet Kosovës dhe Serbisë, dhe se Serbia nuk do të rikthehet në dialog pa e hequr Kosova taksën.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...