Haradinaj arrinë në Berlin: Kosova është e interesuar dhe e përkushtuar për dialog, paqe dhe stabilitet - Bota Sot
Haradinaj arrinë në Berlin: Kosova është e interesuar dhe e përkushtuar për dialog, paqe dhe stabilitet

Aktuale

Haradinaj arrinë në Berlin: Kosova është e interesuar dhe e përkushtuar për dialog, paqe dhe stabilitet

Më: 28 prill 2019 Në ora: 20:24
Ramush Haradinaj

Kryeministri i Kosovës ka arritur tashmë në Berlin, aty ku nesër do të marrë pjesë në mbledhjen e Samitit të Berlinit, ku ndër të tjera do të diskutohet edhe për Kosovën dhe gjendjen politike të saj.

Haradinaj këtë e ka bërë të ditur përmes një postimi në Facebook, aty ku shihet teksa zbret nga aeroplani, i shoqëruar nga Behgjet Pacolli.

“Me ftesë të Kancelares gjermane Angela Merkel dhe presidentit francez Emmanuel Macron, sapo arrita në Berlin, për të marrë pjesë në Takimin e Nivelit të Lartë të Liderëve të Ballkanit Perëndimor. Ky takim është një mundësi e mirë që liderët e rajonit të flasim hapur për sfidat dhe aspiratat e përbashkëta drejt rrugës euro – atlantike.”, ka shkruar ndër të tjera Kryeministri.

Ja postimi i plotë: 

Me ftesë të Kancelares gjermane Angela Merkel dhe presidentit francez Emmanuel Macron, sapo arrita në Berlin, për të marrë pjesë në Takimin e Nivelit të Lartë të Liderëve të Ballkanit Perëndimor. Ky takim është një mundësi e mirë që liderët e rajonit të flasim hapur për sfidat dhe aspiratat e përbashkëta drejt rrugës euro – atlantike. 

Kosova në vazhdimësi ka luajtur rol konstruktiv dhe të përgjegjshëm karshi detyrimeve të saja për fqinjësi të mirë dhe në përputhje me vlerat evropiane. 

Kosova është e interesuar dhe e përkushtuar për dialog, paqe dhe stabilitet në rajon e më gjerë, gjithmonë duke respektuar vetëveten dhe vlerat e përbashkëta euro-atlantike, duke ruajtur integritetin territorial dhe partneritetin me aleatët e përhershëm të saj!

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...