Deputeti i Kuvendit të Kosovës, nga radhët e Lidhjes Demokratike të Kosovës, Haxhi Avdyli, përmes një shkrimi në llogarinë e tij në Facebook ka thënë se deputetët e PAN-PSD duhet ta ndërrojnë vendimin e tyre që në vend të Fatmir Limajt e Shpend Ahmetit si negociator, nga sot ta zyrtarizojnë Baton Haxhiun e Hajdar Beqajn.
Avdyli thotë se i kanë lodhur me deklarata se po e ndalin Thaçin, mirëpo sipas tij, nuk e ndalën dot as Baton Haxhiun.
“Kolegët e mi deputet PAN-PSD duhet ta ndërrojnë vendimin e tyre që në vend të Fatmir Limajt e Shpend Ahmetit si negociator, nga sot ta zyrtarizojnë Baton Haxhiun e Hajdar Beqajn. Na kanë pas lodhë 1 vjet po ndalim Thaqin,po e ndalim, e se ndalën dot as Batonin”, ka shkruar Avdyli në llogarinë e tij.
