Dje pasdite është mbajtur Samiti i Berlinit, i cili u thirr dhe u organizua nga kancelarja gjermane, Angela Merkel dhe presidenti i Francës, Emmanuel Macron, në përpjekje për t’u dhënë shtytje proceseve të pajtimit dhe integrimit në Ballkanin Perëndimor.
Pjesë e këtij Samiti ishin edhe liderët e Kosovës dhe të Shqipërisë: Hashim Thaçi, Ramush Haradinaj, Edi Rama, Behgjet Pacolli, Gent Cakaj etj.
Madje kryeministri i Shqipërisë Edi Rama udhëtoi së bashku me delegacionin e Kosovës nga Prishtina për në Berlin.
Krejt kjo pa pagesë sepse për udhëtimin është kujdesur Behgjet Pacolli i cili jo rrallë herë e mbush aeroplanin e tij privat me përfaqësues të dyja shteteve për takime zyrtare.
Ndërsa sot, në kthim aeroplani privat i Pacollit ka ateruar fillimisht në Tiranë për ta lënë kryeministrin Rama e më pas është nisur drejt Prishtinës.
