(E plotësuar) - Pas konfirmimit të lajmit se është liruar nga paraburgimi Vesel Veseli, ish-polici hetues që dyshohet për abuzimin seksual të një 16-vjeçareje nga Drenas, është konfirmuar edhe lirimi i arsimtarit Shkëlzen Xhekaj, po ashtu i dyshuar për keqpërdorim seksual.
Profesori i dyshuar për keqpërdorimin seksual të 16-vjeçares, Shkëlzen Xhekaj, është liruar nga paraburgimi për t’iu caktuar masa e arrestit shtëpiak.
Lajmin për vendimin e Gjykatës për caktimin e masës së arrestit shtëpiak për Xhekajn e ka konfirmuar prokurori i Prokurorisë Themelore në Prishtinë, Imer Beka.
***
Ish-pjesëtari i Policisë së Kosovës, Vesel Veseli, i akuzuar për përdhunim të një vajze të mitur, është liruar sot nga paraburgimi.
Lajmin e ka konfirmuar kryeprokurori i Prokurorisë Themelore të Prishtinës, Imer Beka.
Beka ka thënë se prokurori i rastit ka bërë kërkesën për ndryshimin e masës, në arrest shtëpiak.
Rasti i abuzimit të së miturës kishte ngjallur reagime të mëdha në shoqëri, dhe një numër protestash në vend.