Kryeministri i Kosovës Ramush Haradinaj ka zhvilluar takim me themeluesin dhe anëtarin e bordit të KAEF, Dale Pfeiffer, me të cilin kanë biseduar për mundësitë e bashkëpunimit të mëtejmë edhe përmes projekteve për avancimin e arsimit të të rinjve në Kosovë.
“Përmes bursave të Fondit Kosovaro Amerikan për Edukim (KAEF), shumë të rinj të Kosovës përfituan dije të nivelit të lartë amerikan, për ta aplikuar më pas në vend”, ka thënë kryeministri në një postim në rrjetin social Facebook.
“Mirënjohës miqve të shumtë të vendit tonë, që besojnë në ndryshim, në Kosovën dhe rininë e saj”, thekson kryeministri.
