Haradinaj: Nuk e heq taksën derisa nuk ka njohje nga Serbia - Bota Sot
Haradinaj: Nuk e heq taksën derisa nuk ka njohje nga Serbia

Aktuale

Haradinaj: Nuk e heq taksën derisa nuk ka njohje nga Serbia

Më: 4 maj 2019 Në ora: 19:01
Ramush Haradinaj

Aleanca për Ardhmërinë e Kosovës ka shënuar sot 19-vjetorin e themelit.

Me një ceremoni të mbajtur në Prishtinë, kryeministrit i Kosovës i cili drejton AAK-në, ka mbledhur strukturat e partisë, anëtarët e bashkëpunëtorët për të shënuar këtë përvjetor. Aty Haradinaj i ka bërë thirrje Serbisë që ta njoh shtetësinë e Kosovës, meqë siç tha ai, në atë formë ata do ta çlirojnë edhe vetën.

Kryeministri Haradinaj, i cili po vazhdon të mbajë qëndrimin e njëjtë për taksën 100 përqind ndaj produkteve serbe, ka thënë se me njohjen e Kosovës nga Serbia, këta të fundit do të kalonin më lehtë në zhvillim ekonomik dhe do të zhvillonin tregti të lirë pa pengesa. Por sipas Haradinajt, për këtë nuk ka vullnet politik nga ana e Serbisë.

Haradinaj: Nuk ka vullnet politik në Serbi me na njohur

“Ju bëj thirrje popullit serb Serbisë, udhëheqjes, ta kuptojnë që duke e njohur pavarësinë e Kosovës e lirojnë vetën, ata shkojnë më shpejt drejt familjes së  popujve të lirë të BE-së, edhe ata kalojnë më shpejtë të një prosperitet, të zhvillimit ekonomik, të një tregti e lirë, pa tarifa dhe pa pengesa të cilën edhe ne e presim. Por para se ma na njohur duhet të bëhemi gati me heq edhe pak, se po shihet që nuk ka vullnet politik në anën tjetër, ndërsa unë mendoj që në Prishtinë ka”, tha ai.

Kryeministri ka thënë se Kosova është e të gjithëve që jetojnë në të. Ai ka deklaruar se Kosova është edhe shtet i serbëve të Kosovës, që siç tha ai, Serbinë e kanë shtëpi të dytë.

Haradinaj: Kosova është e të gjithëve që jetojnë këtu

“Kosova si shtet i imi, është shtet edhe i serbëve të Kosovës, Serbinë e kanë familje te dytë, shtëpi të dytë, shtëpi të parë e kanë Kosovën, të gjitha komunitetet që jetojnë në Kosovë, shtëpia e parë është Kosova si për mua ashtu edhe për të gjithë që jetojnë në Kosovë. Ky është shteti ynë”, tha Haradinaj.

Në 11 vjetorin e Aleancës për Ardhmërinë e Kosovës, kryetari i saj ka thënë se Kosova është Evropë dhe i takon botës të cilës i prinë Amerika.

Haradinaj: Kosova i takon  botës që prinë Amerika

“Jam Evropë, populli i Kosovës është Evropë, kështu na ka falë Zoti, jemi të gatshëm me i taku familjes politike e ekonomike të Evropës, por edhe Evropa duhet me kuptu që jemi Evropë. Ne jemi edhe botë, i takojmë edhe botës. Kush është bota jonë, a kemi botë ne? Ne jemi të botës që i prinë Amerika, nuk është marre me e thënë”, tha ai.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...