Profesori ndërkombëtar, Enver Bytyçi përmes një postimi në Facebook ka bërë një koment të fotos të cilën fillimisht e ka publikuar botuesi i gazetës “Bota sot”, Xhevdet Mazrekaj.
Bytyçi thotë se në këtë fotografi shihen tre tregtarët e shitjes së territoreve të Kosovës, përkatësisht presidenti serb, Vuçiq, presidenti i Kosovës, Thaçi dhe kryeministri i Shqipërisë pak më tutje, Edi Rama.
Ai thekson se të tre këta vazhduan të propagandojnë idenë e Serbisë së Madhe para kancelares gjermane, Angela Merkel në Samitin e Berlinit.
Ja shkrimi i Bytyçit i plotë:
Në këtë foto shihen tre tregtarët e shitjes së territoreve të Kosovës, përkatësisht presidenti serb, Vuçiq, presidenti i Kosovës, Thaçi dhe kryeministri i Shqipërisë pak më tutje, Edi Rama. Të tre këta vazhduan të propagandojnë idenë e Serbisë së Madhe para kancelares gjermane, Angela Merkel në Samitin e Berlinit më datën 29 prill.
Por megjithatë përpjekjet e mëdha për ta bind zonjën Merkel, morën përgjigjen e merituar. Ajo u tha këtyre të tregtarëve se nuk do të ketë shkëmbim të territoreve midis Kosovës dhe Serbisë.