Drita Millaku, deputete në Kuvendin e Kosovës, nga radhët e VV-së, në një prononcim për “Bota sot”, thotë se iniciativa për formimin e një gjykate për dënimin krimeve serbe, veç janë të dështuara dhe janë të vonuara.
Ajo nuk mendon se do të realizohet një gjë e tillë.
“Këto janë vetëm propozime për konsum të brendshëm. Institucionet tona nuk i ka penguar askush deri tani që të bëjnë padi për gjenocidit të shtetit serb ndaj Kosovës”, tha ajo.
Sipas saj, një gjykatë e tillë ka qenë e mundur të bëhet edhe më herët, sidomos në momentin kur është formuar Gjykata Speciale në 2015-ën.
Ndryshe, të enjten anëtarët e komisionit ad-hoc për hartimin e projekt-rezolutës për gjenocidin, krimet kundër njerëzimit dhe krimet e luftës në Kosovë, janë pajtuar që rezolutës t’i bashkëngjitet edhe lista e masakrave të kryera nga forcat serbe në Kosovë.