Ministri i Infrastrukturës dhe Transportit, Pal Lekaj, ka njoftuar se sot është zhvilluar një takim i Komitetit Ndërministror për Ndërmarrje Publike, ku temë kryesore ishte Telekomi i Kosovës.
Pjesëmarrësit në këtë takim kanë diskutuar për nxjerrjen nga kriza të kompanisë publike, të cilën Lekaj e ka quajtur “aset kryesor i shtetit”.
“Si komitet u zotuam që shumë shpejt, bashkë me bordin dhe menaxhmentin do të gjejmë zgjidhje pozitive që e shpëton këtë ndërmarrje por edhe rreth 2500 familje që varen nga të ardhurat e Telekomit”, ka shkruar Lekaj në Facebook.