Vuçiq: Në Shkup bisedova gjatë me Thaçin - Bota Sot
Vuçiq: Në Shkup bisedova gjatë me Thaçin

Aktuale

Vuçiq: Në Shkup bisedova gjatë me Thaçin

Më: 12 maj 2019 Në ora: 14:40
Kreu i Serbisë nuk ka treguar se çka ka biseduar me presidentin Thaçi.

Presidenti serb Aleksandër Vuçiq, pas inaugurimit të presidentit të ri të Maqedonisë Veriore, Stevo Pendarovski, tha se ka zhvilluar një bisedë më homologët e tij nga rajoni.

Vuçiq ka deklaruar se ka biseduar me presidentin e Shqipërisë, Ilir Metën dhe më së shumti ka folur me presidentin e Bullgarisë Rumen Radev si dhe me presidentin e Kosovës, Hashim Thaçi.

Kreu i Serbisë nuk ka treguar se çka ka biseduar me presidentin Thaçi.

Sipas tij Serbia dhe Republika e Maqedonisë Veriore do t’i heqin pengesat për t’i përmirësuar marrëdhëniet që tash për tash i rëndojnë të dy vendet.

Ndryshe, presidenti i ri i Maqedonisë Veriore, Stevo Pendarovski është betuar para deputetëve dhe përfaqësuesve më të lartë të institucioneve shtetërore e fetare, se gjatë mandatit pesëvjeçar do të respektojë Kushtetutën dhe ligjet në fuqi, dhe se do të mbrojë sovranitetin dhe integritetin territorial të Maqedonisë së Veriut.

Në seancën solmne kanë marrë pjesë edhe presidentë e përfaqësues të lartë të më shumë shteteve, si presidentët e Shqipërisë e Kosovës, Ilir Meta e Hashim Thaçi, presidenti i Serbisë, Aleksandar Vuçiq, presidenti i Bullgarisë, Rumen Radev, ministrat e Jashtëm të Greqisë dhe Malit të Zi si dhe zyrtarë tjerë të jashtëm.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...