Botuesi i gazetës kombëtare “Bota sot” Xhevdet Mazrekaj, përmes llogarisë së tij në rrjetin social në Facebook, ka ndarë një pjesë tjetër emocionuese nga mbrëmja gala e nëntorit të vitit 1997 e cila u mbajt në Cyrih të Zvicrës.
Në këtë mbrëmje të organizuar nga gazeta kombëtare “Bota sot”, morën pjesë personalitete të shumta që i dhanë dritë atdheut me anë të veprimtarisë së tyre, ndërsa edhe më të veçantë këtë e bëri prezenca e Mbretit Shqiptar Leka Zogu I.
Mazrekaj thotë se ishte një nder i veçantë për “Botën sot”, por edhe për të gjithë shqiptarët, prania në këtë mbrëmje e Mbretit Shqiptar Leka Zogu I.
Mes tjerash, botuesi i gazetës kombëtare “Bota sot”, ka rrëfyer momente të padëgjuara më parë, por edhe emocionuese, se si policia zvicerane e kishte nderuar mbretin shqiptar.
“Kur dola ta prisja, policët kufitar në aeroportin e Cyrihut, sapo e panë që bëhej fjalë për mbretin, nuk ia kërkuan fare pasaportën. Mbreti kishte pasaportën mbretërore me shqiponjë dhe përkrenare të Skënderbeut. Mbeta i habitur për nderimin që iu bë nga policët. Ata lanë gjithë punët e tyre dhe për një çast u përulën para mbretit duke e quajtur Lartmadhëri, në gjuhën gjermane”, rrëfen mes tjerash Mazrekaj.
Në këtë gala mbrëmje, çmimin “Skënderbe” për mbretin Leka Zogu I, e kishte ndarë motra e Xhevdet Mazrekajt, Shkëndije Mazrekaj.
Mbreti Leka Zogu I, mbrëmjen gala të organizuar nga “Bota sot”, e kishte cilësuar si të mrekullueshme, ndërsa nuk kishte lënë pa falënderuar edhe lexuesit, që e kishin përzgjedhur si më të merituarin për këtë çmim.
Më poshtë postimi i plotë i Mazrekajt:
Mos ta harrojmë mbretin Leka Zogu I, kjo ishte thirrja e tij e fuqishme për Shqipëri etnike
Personalitete shumë të rëndësishme që i dhanë dritë atdheut me anë të veprimtarisë së tyre, ishin të pranishëm në mbrëmjen gala të organizuar nga gazeta kombëtare “Bota sot”, për ndarjen e çmimit Skënderbe, në nëntor vitit 1997.
Një nder i veçantë për “Botën sot”, por edhe për të gjithë shqiptarët, ishte prania në këtë mbrëmje e Mbretit Shqiptar Leka Zogu I.
Ai kishte rreth 25 vite pa e parë me sy Shqipërinë dhe Evropën. Kjo pasi regjimi komunist i vendosur në Shqipëri më 1944 ndalonte kthimin e Mbretit dhe të familjes mbretërore në atdhe.
Mbreti Leka Zogu I, erdhi në Zvicër me ftesë të gazetës kombëtare “Bota sot”.
Kur dola ta prisja, policët kufitar në aeroportin e Cyrihut, sapo e panë që bëhej fjalë për mbretin, nuk ia kërkuan fare pasaportën. Mbreti kishte pasaportën mbretërore me shqiponjë dhe përkrenare të Skënderbeut.
Mbeta i habitur për nderimin që iu bë nga policët. Ata lanë gjithë punët e tyre dhe për një çast u përulën para mbretit duke e quajtur Lartmadhëri, në gjuhën gjermane.
Ishte emocionuese gjithë kjo situatë, pasi bota e njihte dhe e nderonte mbretin e shqiptarëve, pavarësisht se Shqipëria deri në atë vit(1997) e bënte të kundërtën.
Por, t`i kthehemi mbrëmjes gala të organizuar nga “Bota sot”.
Çmimin Skënderbe për mbretin Leka Zogu I, e ndau motra ime Shkëndije Mazrekaj.
Ky moment u prit me shumë duartrokitje nga të pranishmit, ndërsa Shkëndija prezantoi çmimin duke thënë se i njëjti i jepet mbretit të të gjithë shqiptarëve.
Me të pranuar çmimin Skënderbe, mbreti Leka Zogu I, tha se çmimi ishte i një rëndësie të veçantë.
“Arsyeja është se nuk e kam fitu unë këtë çmim, por e ka fitu populli shqiptar me kërkesën e vazhdueshme për trojet etnike, për Shqipëri etnike, e ka fitu bota shqiptare”, deklaroi ai, derisa duartrokitjet nuk kishin të ndalur.
Tutje, Mbreti Leka Zogu I, mbrëmjen gala të organizuar nga “Bota sot”, e cilësoi si të mrekullueshme ndërsa falënderoi lexuesit që e kishin përzgjedhur si më të merituarin për këtë çmim.
Pas kësaj pike radha i erdhi këngës së kënduar nga këngëtarja Manjolla Nallbani!
PËR TA PARË KËTË VIDEO, KLIKONI KËTU