Gjykata ndërkombëtare për krimet serbe shihet si e mundur - Bota Sot
Gjykata ndërkombëtare për krimet serbe shihet si e mundur

Aktuale

Gjykata ndërkombëtare për krimet serbe shihet si e mundur

Më: 14 maj 2019 Në ora: 15:23
Hashim Thaçi

(E plotësuar) - Me rastin e 20-vjetorit të rënies së komandantit të Brigadës 162 “Agim Bajrami”, Qamil Ilazi (Komandant Bardhi)është mbajtur akademi përkujtimore për të nderuar veprën e tij.

Nga Kaçaniku krerët shtetëror u shprehen se lufta e UÇK-së, ka qenë e pastër, ndërsa për gjenocidin serb të kryer në Kosovë u tha se është e domosdoshme dhe e mundur krijimi i Gjykatës ndërkombëtare.

Ulëset në shtëpinë e Kulturës “Xheladin Kurtaj” në Kaçanik ishin të pakta për gjithë ata njerëz që kishin ardhur për të nderuar veprën e komandant Bardhit, për të cilin u tha se roli i tij ishte shumë i rëndësishëm për çlirimin e Kosovës.

Në mesin e tyre ishin dhe dy krerët institucional, presidenti i Kosovës, Hashim Thaçi dhe kryetari i Kuvendit Kadri Veseli.

I pari i shtetit u shpreh se komandant Bardhi është njëri ndër personalitetet më të shquara të UÇK-së, që sipas tij pa të dhe të tjerët realiteti i lirisë së Kosovës nuk do të arrihej.

Thaçi: Realiteti i lirisë kurrë nuk do arrihej pa UÇK-në

“Kur ëndrra shekullore e gjeneratave të Kosovës u bë realitet, kur të pamundurën e bëmë të mundur. E ky realitet i lirisë së Kosovës, kurrë nuk do të mundej të arrihej pa luftën e Ushtrisë Çlirimtare të Kosovës, të luftëtarëve të lirisë së Kosovës. Pa gjakun dhe sakrificat e djemve dhe vajzave më të mira kombit. Këtë realitet që jetojmë nuk do të kishim pa heroin Qamil Ilazi dhe bashkëluftëtarëve të tij”, tha presidenti Thaçi.

Ndërkaq, kryetari i Kuvendit, Kadri Veseli tha se Qamil Ilazi për tre dekada i kishte kushtuar gjithë veprimtarinë e tij për Kosovën.

Veseli” Lufta e UÇK-së i ka bërë një shërbim të madh njerëzimit

“Qamil Ilazi, me guxim e vendosmëri, iu përgjigj kohës dhe atdheut, si njeri i lapsit dhe i pushkës. Në historinë e popullit tonë lapsi dhe pushka gjithmonë kanë shkuar bashkë. Qamil Ilazi me veprimtarinë dhe luftën e tij është shëmbëlltyrë e kësaj vlere të popullit tonë. Është shëmbëlltyrë e luftës tonë të drejtë, luftës të pastër, luftës tonë për liri e dinjitet kombëtar. Kjo luftë dhe Ushtria Çlirimtare e Kosovës, duke i sjellë lirinë një populli të robëruar me shekuj, i ka bërë një shërbim të madh njerëzimit e ka bërë më të drejtë botën”, tha Veseli.

 Duke folur për krimet serbe në Kosovë, Veseli u shpreh sot në Kaçanik se Gjykata Ndërkombëtare për krimet e shtetit serb në Kosovë është e domosdoshme, është e mundur, është e pashmangshme dhe do të ndodhë.

Veseli: Gjykata Ndërkombëtare për krimet e shtetit serb në Kosovë është e domosdoshme

“Lufta e Ushtrisë Çlirimtare të Kosovës është historia e shenjtë e Kosovës është historia e lirisë, pavarësisë dhe shtet ndërtimit. Të njëjtën kohë gjenocidi serb është vepër e shtetit serb të kryer mbi popullin tonë. Për të cilën Serbia një ditë dhe shumë shpejt do të jep përgjegjësi para drejtësisë ndërkombëtare. Gjykata ndërkombëtare e krimeve të shtetit serb në Kosovë është e domosdoshme e mundur dhe pashamngshme”, tha ai.

Kurse, nënkryetari i komunës së Kaçanikut, Ylber Bajra tha se Komandant Bardhi ishte personaliteti i duhur për t’u bërë simbol i luftës në Kaçanik dhe më gjerë, pasi siç tha ai gjithmonë ishte në ballë të betejave.

Bajra: Ishte personalitet i duhur për t’u bërë simbol gjakut dhe luftës së armatosur

“Ishte personalitet i duhur për t’u bërë simbol i gjakut dhe luftës së armatosur në trevën e Kaçanikut dhe më gjerë”, tha ai.

Para mbajtjes së akademisë përkujtimore, krerët shtetëror kanë bërë homazhe tek shtatorja e Qamil Ilazit në Kaçanik.

Përkujtohet Komandant Bardhi, Thaçi e Veseli thonë se lufta e UÇK-së ishte e pastër

Me rastin e 20-vjetorit të rënies së komandantit të Brigadës 162 “Agim Bajrami”, Qamil Ilazi, Komandant Bardhi, është mbajtur akademi përkujtimore për të nderuar veprën e tij.

Me këtë rast u tha se roli i komandant Bardhit ishte shumë i rëndësishëm për çlirimin e Kosovës.

Pjesë e kësaj akademie ishin dhe dy krerët institucional, ku thanë se lufta e UÇK-së ishte luftë e pastër për çlirim, ndërsa përsëriten se dënimi i gjenocidit serb është i domosdoshëm.

Presidenti i Kosovës, Hashim Thaçi, u shpreh se komandant Bardhi është njëri ndër personalitetet më të shquara të UÇK-së, që sipas tij pa të dhe të tjerët realiteti i lirisë së Kosovës nuk do të arrihej.

“Realiteti i lirisë së Kosovës kurrë nuk do të arrihej pa gjakun dhe sakrificat e djemve dhe vajzave të Kosovës. Këtë realitet nuk do të kishim pa Qamilin dhe bashkëluftëtarët të tij”, tha presidenti Thaçi.

Ndërsa, kryetari i Kuvendit, Kadri Veseli tha se Qamil Ilazi për tre dekada i kishte kushtuar veprës së tij për Kosovën.

“Qamil Ilazi është shembull i vlerës së kombit tonë, luftës së drejt e të pastër të Kosovës. Lufta e UÇK-së është luftë e pastër për çlirim, ndërsa gjenocidi serb është vepër e tyre që njëherë e mirë do të japim përgjegjësi. Gjykata për krimet e tyre është e domosdoshme dhe e pashmangshme”, tha ai.

Nënkryetari i komunës së Kaçanikut, Ylber Bajra, tha se Komandant Bardhi ishte personaliteti i duhur për t’u bërë simbol i luftës në Kaçanik dhe më gjerë, pasi siç tha ai gjithmonë ishte në ballë të betejave.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...