Deputeti i Kuvendit të Kosovës nga radhët e Nismës Socialdemokrate, Milaim Zeka, ka zbuluar një detaj interesant për Agron Mustafën, ish-shef i Telekomit të Kosovës e ish-shef i Aeroportit të Prishtinës.
Zeka ka thënë në emisionin “DPT Te Fidani”, në televizionin T7, se Mustafa ka kërkuar mbrojtje nga Policia e Kosovës, me pretendimin se jeta e tij është në rrezik.
Sipas Zekës, Mustafa ka akuzuar Lulzim Jasharin, djalin e heroit të Kosovës, Adem Jashari, se ka dashur ta vrasë atë.
Arsyeja, siç ka treguar Zeka në T7, ka qenë largimi nga puna në Telekom i motrës së Lulzim Jasharit.