Muhamet Hamiti, ish-bashkëpunëtori i ngushtë i Presidentit Ibrahim Rugova, përmes një postimi në Facevook, komentuar kritikat e drejtuara Qeverisë së Kosovës nga SHBA-të, Britania e Madhe dhe Franca.
Ai përmes një postimi në Facebook, ka shkruar se Qeveria e vazhdon me të vjetrën , si dhe ka kërkuar që të bëhet shkarkimi i saj në Parlament.
Postimi i plotë:
SHBA-të dhe Britania e Madhe, dy përkrahësit më të mëdhenj të shtetit të pavarur të Kosovës, po e kritikojnë hapur Qeverinë e Kosovës për emërime në pozita të larta të njerëzve të pakualifikuar dhe/apo me të kaluar kriminale.
Edhe Franca qenka prononcuar sot në këtë linjë përmes ambasadës së saj këtu.
Qeveria e vendit tonë, Qeveria e Vendimeve të Mëdha, siç e ka për qejfi ta quajë veten, i merr në dijeni këto kritika dhe vazhdon me të vjetrën, besoj. Si deri tash.
Nuk e ndalin kritikat e vendeve mike Qeverinë tonë nga këto e paudhësi e të tjera si këto, por shkarkimi i saj me votë në Parlament. Pastaj zgjedhja e një Qeverie tjetër nga Kuvendi i zgjedhur me votë. Sa më parë, aq më mirë!