Sektori rajonal i hetimeve DRP Ferizaj sot ka zhvilluar operacionin “Auto sallonet 2019”, për kontrollimin e dokumentacionit për automjetet në sallonet e shitjeve në Ferizaj.
Gjatë këtij operacioni, i cili u zhvillua në bashkëpunim me zyrtarët e Doganës së Kosovës, ATK-së, Njësitit kundër krimeve ekonomike dhe korupcionit, janë kontrolluar gjithsej 53 biznese, ku nga verifikimi i 1099 automjeteve, janë gjetur 75 prej tyre pa doganë, të cilat kanë filluar të tërhiqen nga sallonet ku pastaj zyrtarët doganorë do të merren me proceduarat e parapara me ligj.
Gjithashtu edhe ATK dhe hetimet rajonale do t’i vazhojnë procedurat ligjore lidhur me të gjeturat.
I gjithë operacioni që ka përfunduar sonte në ora 19.00, është zhvilluar në bashkëpunim me Prokurorin e Shtetit.
