Edhe amabasadori amerikan në Kosovë Phillip Kosnett, ka reaguar pas skandalit të krijuar nga deputetja e PDK-së më fotografinë e publikuar ku aludonte se ishte një femër shqiptare duke u dhunuar nga forcat serbe.
Brovina sot është intervistuar nga Prokuroria në cilësinë e dëshmitares, pasi u zbulua nga mediat, se fotografia e paraqitur nga ajo në Kuvend, i takonte një faqeje pornografike në Irak.
Vet deputetja e PDK-së ka pranuar fajin, duke thënë se nuk e ka besuar asnjëherë që dëshmia që e publikoi dje mund të mos jetë e saktë.
E pas gjithë kësaj, amabasadori Kosonett, ka kërkuar respekt, dinjitet dhe ndjeshmëri ndaj të mbijetuarve të dhunës seksuale, përcjell Bota sot.
Në një reagim në Twitter, ai ka thënë se liderët e Kosovës duhet të ndihmojnë viktimat, e jo t’i shfrytëzojnë ato për përfitime politike.
“Të mbijetuarit e mizorisë, duhet të trajtohen me respekt, dinjitet dhe ndjeshmëri. Liderët e Kosovës duhet të ndihmojnë viktimat, dhe të mos i shfrytëzojnë ata për përfitime politike”, ka shkruar Kosnett.
