Prokuroria për zgjedhjet në veri: Asnjë rast që mund të ndikojë në prishjen e procesit të votimit - Bota Sot
Prokuroria për zgjedhjet në veri: Asnjë rast që mund të ndikojë në prishjen e procesit të votimit

Aktuale

Prokuroria për zgjedhjet në veri: Asnjë rast që mund të ndikojë në prishjen e procesit të votimit

Më: 19 maj 2019 Në ora: 12:42
Laura Pula

Nën mbikëqyrjen e Koordinatores Nacionale për zgjedhje, Laura Pula, Prokuroria Themelore e Mitrovicës e udhëhequr nga kryeprokurori Shyqyri Syla, është angazhuar me prokurorë dhe staf mbështetës, për monitorimin e zgjedhjeve të jashtëzakonshme për kryetar të komunave, Leposaviq, Zubin Potok, Zveçan dhe Mitorvica e Veriut.

Nga përcjellja e deritanishme e gjithë procesit të votimit në këto komuna, rezulton se deri më tani nuk ka pasur asnjë rast që mund të ndikojë në prishjen e procesit të votimit.    

Koordinatorja Pula, njofton opinionin se do të reagojë në të gjitha rastet e incidenteve eventuale gjatë procesit zgjedhor dhe pas zgjedhjeve, për çdo raportim apo keqpërdorim të votës.

“Varësisht prej situatës se si rrjedhë procesi zgjedhor në këto komuna, do të njoftojmë të gjithë opinionin me kohë përmes komunikatave apo përmes konferencave për media”, thuhet në komunikatën e Prokurorisë.

Procesin e votimit të zgjedhjeve për kryetar të katër komunave është duke e përcjellur bashkërisht edhe zëvendëskryesuesi i Këshillit Prokurorial të Kosovës, Arben Ismajli.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...