Zëvendësministri i Mbrojtjes i Qeverisë së Kosovës, Burim Ramadani, njëherësh edhe Koordinator Nacional për Integrim dhe Anëtarësim në NATO, në një intervistë për gazetën “Bota sot”, ka potencuar se janë të kënaqur me bashkëpunimin që kanë në baza të rregullta me NALT-in dhe me KFOR-in.
“Do të vazhdojmë të koordinojmë dhe bashkëpunojnë në të gjitha fushat. Synim shtetëror dhe popullor i Kosovës është anëtarësimi në NATO”, ka thënë ai.
Tutje, Ramadani ka thënë se shpreson se të gjitha vendet e mbetura në Ballkanin Perëndimor do t’iu bashkohen NATO-së herët apo më vonë.
“Kosova ka për synim që në kohën e duhur të jetë pjesë e procesit të anëtarësimit. Për këtë, besojmë se kemi kapacitetet e nevojshme dhe institucionet e Kosovës janë të gatshme për të lëvizur para”, përfundoi ai.