(E plotësuar) - Sekuestrimi i pasurisë është e vetmja formë për t’i dobësuar grupet kriminale në Kosovë dhe pa arritjen e saj luftimi i korrupsionit dhe krimit të organizuar është i kotë.
Kështu u tha në një tryezë që Oda e Avokatëve të Kosovës e ka organizuar mbi përmirësimi i garancive procedurale në procedurën e mbrojtjes penale lidhur me pastrimin e parasë, sekuestrimin dhe ngrirjes së pasurisë në Kosovë.
Pjesë e këtij diskutimi i ishte dhe ministri i Drejtësisë, Abelard Tahiri, i cili tha se me anë të legjislacionit kanë arritur që të bëjnë reforma dhe hapa përpara për të mundësuar që sekuestrimi i pasurisë së paligjshme tek grupet kriminale të jetë prioritet.
Sipas tij, vetmja formë për të arritur t’i dobësuar grupet kriminale është konfiskimi i pasurisë.
Tahiri: E vetmja formë për të arritur t’i dobësuar grupet kriminale është konfiskimi i pasurisë
“Kemi arritur me bërë një reformë të thellë në kuadër të këtij ligji. Sot mendoj që e kemi një ligj i cili iu jep mundësi shtesë prokurorëve, gjyqtarëve, hetuesve që të jemi më shumë të suksesshëm dhe efikas në konfiskimin e pasurisë së fituar paligjshëm. Mendoj që e vetmja formë për të arritur t’i dobësuar grupet kriminale është konfiskimi i pasurisë. Përderisa ia len pasurinë e fituar qoftë përmes krimit të organizuar, korrupsionit. Qoftë për çfarëdo mënyrë tjetër në mënyrë jo të ligjshme. Ne nuk do të dobësojmë fuqinë e tyre që e kanë, qofshin brenda institucioneve, apo jashtë bizneseve, kudo qofshin ato”, tha ministri Tahiri.
Se duhet më shumë efikasitet në sekuestrimin e pasurisë së paligjshme e tha dhe Julie Moslye nga Ambasada Amerikane.
Sipas saj, duhet më shumë efikasitet, pasi njëra prej brengave të BE-së është shkalla e lartë e korrupsionit në Kosovë.
Mosley: Njëra prej brengave të BE-së është shkalla e korrupsionit në Kosovë
“Ligjet e Kosovës të miratuara deri në kohë, siç tha ministri e kemi Kodin Penal, Kodin civil dhe ligjit për kompetencat e zgjeruara. Dhe njëra prej brengave të BE-së është shkalla e korrupsionit në Kosovë dhe pastrimi i parave është një prej ligjeve si një vegël e fuqishme për të luftuar fenomenet negative. Dhe iu inkurajoj të mbani punën e mirë të ndërtoni një vend dhe komb të fort dhe të fuqizoni sundimin e ligjit në Kosovë”, tha Mosley.
Kryesuesi i Këshillit Gjyqësor të Kosovës, Skender Çoçaj u shpreh se me punën e deri tanishme nuk duhet të mburret askush në Kosovë.
Për këtë ai tha se duhet pasur parasysh se nëse krimi nuk e godasim në konfiskimit atëherë thuaja se nuk kemi bërë asgjë.
Çoçaj: Nëse krimin nuk e godasim në konfiskim atëherë thuaja se nuk kemi bërë asgjë
“Nuk mund të mburremi dhe aq me konfiskimet që janë duke u bërë tash. Për shkak se një gjë duhet pasur parasysh se nëse krimi nuk e godasim në konfiskim atëherë thuaja se nuk kemi bërë asgjë. Është e vërtet se infrastruktura ligjore ka pësuar ndryshime në aspektin pozitiv sa i përket konfiskimit të pasurisë. Mirëpo duhet të jemi shumë të kujdesshëm gjatë aplikimit të këtyre ligjeve, apo dispozitave ligjore që kanë të bëjnë me konfiskimin e pasurisë”, tha Çoçaj
Kurse, kryetari i Odës së Avokatëve, Osman Havolli tha se me anë të kësaj tryeze do të mundësojnë të luftojnë këtë fenomen me qëllim që të ketë sa më pak dukuri negative.
Havolli: Sa më pak të kemi dukuri të tilla që e dëmtojnë shoqërinë dhe buxhetin
“Krejt kjo, një brengë dhe luftë e shoqërisë kosovare me një synim që sa më pak të kemi dukuri të tilla që e dëmtojnë shoqërinë dhe buxhetin e Republikës së Kosovës”, tha Havolli.
Sekuestrimi i pasurisë është e vetmja formë për t’i dobësuar grupet kriminale
Sekuestrimi i pasurisë është e vetmja formë për t’i dobësuar grupet kriminale në Kosovë dhe pa arritjen e saj luftimi i korrupsionit dhe krimit të organizuar është i kotë.
Kështu u tha në një tryezë të organizuar nga Oda e Avokatëve, ku është diskutuar mbi pastrimin e parasë, sekuestrimin dhe ngrirjes së pasurisë.
Ministri i Drejtësisë, Abelard Tahiri u shpreh se e vetmja formë për të larguar dhe dobësuar grupet kriminale është sekuestrimi i pasurisë.
Për të arritur këtë, ministri tha se kanë arritur që me anë të legjislacionit t’i mundësojnë sistemit të drejtësisë të marrin veprimet e duhura.
“Çështja e sekuestrimit tash e 17 muaj sa jam ministër prioritet ka qenë adresimi i të metave tona për sekuestrimin e pasurisë së fituar paligjshëm. Sot e kemi një ligj që kemi arritur me bërë një reformë të thellë që të jemi më shumë të suksesshëm dhe efikas. E vetmja formë për t’i larguar grupet kriminale është sekuestrimi i pasurisë, qoftë në institucione apo kudoqoftë. Çështje tjetër e rëndësishme është dhe Kodi Penal dhe i Procedurës Penale”, tha ministri Tahiri.
Kryesuesi i Këshillit Gjyqësor të Kosovës, Skënder Çoçaj tha se pa sekuestrim të pasurisë luftimi i korrupsionit dhe krimit të organizuar është i kotë.
“Nuk mund të mburremi edhe aq për konfiskimet që janë bërë deri tash, nëse në krim nuk e godasim me anë të sekuestrimit atëherë nuk është asgjë”, tha ai.
Kurse, kryetari i Odës së Avokatëve, Osman Havolli tha se me anë të kësaj tryeze do të mundësojnë të luftojnë këtë fenomen me qëllim që të ketë sa më pak dukuri negative.