Kryetari i Kuvendit të Kosovës, Kadri Veseli, ka folur për bojkotin që opozita ia ka bërë seancës për tribunalin e krimeve të luftës.
Veseli ka kritikuar opozitën për këtë veprim, derisa i ka bërë thirrje edhe njëherë që të bëhen bashkë në këtë nismë.
Ai ka kritikuar veçanërisht shefin e deputetëve të LDK’së, Avdullah Hotin.
“E ka një refuzim, pak a shumë, një mentalitet që s’di ku na dërgon. Rotacion bëhet këtu, njëherë je në pozitë, njëherë në opozitë. Thonë s’po na thirrni. Qysh s’po ju thërrasim? A ju thirrëm e ju s’erdhët? S’ka fuqi që e ndalon këtë nismë”, tha tutje Veseli.