Rrëfimi i mjekut: 14 vjeçarja u dhunua në prani të babait, pati kryqin në ballë derisa vdiq - Bota Sot
Rrëfimi i mjekut: 14 vjeçarja u dhunua në prani të babait, pati kryqin në ballë derisa vdiq

Aktuale

Rrëfimi i mjekut: 14 vjeçarja u dhunua në prani të babait, pati kryqin në ballë derisa vdiq

Më: 22 maj 2019 Në ora: 22:47
Shukri Gerxhaliu

Mjeku shqiptar që trajtoi viktimat e dhunës seksuale të luftës në Kosovë, Shukri Gërxhaliu, ka thënë se ka dëgjuar mbi 30 rrëfime të shqiptareve të cilat ishin përdhunuar nga policia e ushtria serbe.

Ai tha se shpesh herë ka kërkuar nga to që përjetimet e tyre t’i shkruajnë në letër për shkak të rasteve të rënda të cilat kishin përjetuar.

”Nga to kanë ardhur në mënyrë sekrete, askush se ka ditur. Ardhja e tyre shkaktonte një qetësi të përkohshme. Me sa kam kuptuar në listën e shkrimeve autentike ka qindra raste.Biseda që e bënim me viktimat ishte aq prekëse emocionale sa që më duhej t’ua ndërpres rrëfimin, t’ju jepja ujë për tu qetësuar.U jepja letër dhe iu thosha që këtë tregim shkruaje në mbrëmje dhe ma sillni më vonë. Janë rrëfime autentike.Disa prej tyre ua kam dhënë dikujt hulumtuesve të huaj dhe nuk më kanë kthyer fare e s’kanë bërë asgjë. Gratë janë dhunuar në disa vende në Kosovë.Ka tregime plot, emocione e ngjarje shumë të rënda”, tha ai.

”Por ajo çka më ka brengosur më së shumti ka qenë rasti i një vajze 14 vjeçare që se kam takuar kurrë –  atë s’kam pas rast ta shoh kurrë sepse e kanë dhunuar në prani të babës së saj e më pas e kanë vrarë.E babai i saj i torturuar ka pasur kryqin në ballë deri sa ka vdekur, e shpesh më thoshte se ”çfarë më duhet jeta kështu?”.Emocion tjetër ka qenë kur ka ardhur tjetra që ka qenë shtatzënë, ka abortuar djem binjak. Është prekëse kur gruaja është dhunuar e s’ka mundur të abortojë por e trajton fëmijën sikur të tjerët fëmijë.Disa prej tyre janë kthyer një pjesë e madhe është se ka që kujdesen por është e dhimbshme që ka ende burra të cilët i kanë braktisur gratë e këtyre kategorive”, shtoi ai.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...