Kryeministri i Kosovës Ramush Haradinaj është takuar sot me Drejtorin Rajonal për Evropë nga Instituti Ndërkombëtar Republikan, Paul McCarthy dhe Antonio Garrastazu, Drejtor i Qendrës për Global Impact.
“Në një diskutim përmbajtësor, theksova se Kosova është një demokraci e re, e fokusuar në zhvillim ekonomik me bazë resurset kombëtare dhe investimet e huaja”, ka shkruar Haradinaj.
Ai gjithashtu ka treguar se i ka njoftuar ata për progresin e matshëm në forcimin e sundimit të rendit dhe të ligjit.
“Kosova është e angazhuar për stabilitetit dhe paqe të qëndrueshme në rajon dhe e palëkundur në rrugën e integrimeve euro-atlantike”, ka shkruar më tutje Haradinaj.
Ky është postimi i plotë:
Prita në takim Drejtorin Rajonal për Europë nga Instituti Ndërkombëtar Republikan, Paul McCarthy, dhe Antonio Garrastazu, Drejtor i Qendrës për Global Impact. Në një diskutim përmbajtësor, theksova se Kosova është një demokraci e re, e fokusuar në zhvillim ekonomik me bazë resurset kombëtare dhe investimet e huaja. Po ashtu, i njoftova për progresin e matshëm në forcimin e sundimit të rendit dhe të ligjit, si dhe në luftën kundër krimit të organizuar dhe korrupsionit. Kosova është e angazhuar për stabilitetit dhe paqe të qëndrueshme në rajon dhe e palëkundur në rrugën e integrimeve euro-atlantike.